banner immagine
Logo Splash Latino
Latino


Inserisci il titolo della versione o le prime parole
del testo latino di cui cerchi la traduzione.

 
Username Password
Registrati Dimenticata la password? Ricorda Utente
Un caso di omicidio
Pagina 106 Numero 10

 In itinere quidam comitatus est quendam ad mercatum proficiscentem qui secum aliquantum nummorum ferebat. Cum hoc sermonem serit et iter familiariter facit. Quare cum in eandem tabernam devertissent, simul cenare et eodem loco somnum capere statuerunt. Caupo autem, cum illum alterum nummos habentem animadvertisset, noctu, postquam illos artius dormire sensit, accessit. E vagina gladium alterius eorum, qui sine nummis erat, eduxit et illum alterum occidit. Nummos abstulit, gladium cruentum in vaginam recondidit, ipse se in suum lectum recepit. Ille autem, cuius gladio alter interfectus erat, multo ante lucem surrexit, comitem suum inclamavit; illum somno impeditum non respondere existimavit. Ipse gladium et cetera, quae secum attulerat, sumpsit et solus profectus est. Caupo non multo post conclamat hominem occisum esse et cum quibusdam deversoribus illum qui ante profectus erat consequitur. Eundem comprehendit, gladium eius e vagina educit, reperit cruentum: homo in urbem ab illis deducitur ac reus invenitur. Postea tamen caupo in alio eodem maleficio deprehensus est.
Cicerone


Hai superato il limite di traduzioni visualizzabili in un giorno.

La Traduzione può essere visionata su Splash Latino - http://www.latin.it/versione/47999
[darkshines] - [2021-12-07 10:30:04]

Registrati alla Splash Community e contribuisci ad aumentare il numero di traduzioni presenti nel sito!