Timoteo è costretto all'esilio

Pagina 388 Numero 6

Defecerat Samus, descierat Hellespontus, Philippus iam Macedo multa moliebatur. Timotheus et Iphicrates cum Samum profecti essent et Chares, illorum adventu cognito, eodem cum suis copiis proficisceretur, ne quid absente se gestum videretur, accidit ut magna tempestas oriretur: quam evitare utile arbitrati, duo veteres imperatores suam classem suppresserunt. At ille temeraria usus ratione non cessit maiorum natu auctoritati, velut in sua manu esset fortuna. Quo contenderat, pervenit, et ad Timotheum et Iphicratem frustra nuntium misit ut sequerentur eodem. Male re gesta, compluribus amissis navibus litteras Athenas publice misit: sibi proclive fuisse Samum capere scripsit, nisi a Timotheo et Iphicrate desertus esset. Populus acer, suspicax ob eamque rem mobilis, adversarius, invidus domum revocat: accusantur proditionis. Hoc iudicio damnatur Timotheus.

Cornelio Nepote

Liber De Excellentibus Ducibus Exterarum Gentium - Timotheus - 3

Oggi hai visualizzato 6.2 brani.
Ti ricordiamo che hai ancora a disposizione la visualizzazione di 8.8 brani.

[emi53rm] - [2023-03-18 06:18:38]

Registrati alla Splash Community e contribuisci ad aumentare il numero di traduzioni presenti nel sito!