✔ Potentes debent humiles metuere, quia humiles potentium iniuriis exacerbati saevam vindictam parare possunt: sic docet Phaedrus poeta in fabella brevi. Quondam aquila, escam pullis suis praebere cupiens, vulpinos catulos e cubili rapuit, in altam arborem sustulit et in suo nido posuit ut pulli sui escam carperent. Vulpes mater, sub altam arborem aquilam persecuta, eam orare coepit ne tantum luctum sibi miserae importaret. Sed aquila, tuta in alta arbore, miserae vulpis preces contempsit. Tum vulpes, dolore amens, a deorum ara, quae in silva erat, ardentem facem rapuit totamque arborem flammis circumdedit, miscens ita saevae hostis mortem cum sanguinis sui sacrificio. Tum aquila, ut pullos suos e mortis periculo eriperet, incolumes catulos vulpi tradidit.
Fedro
Hai superato il limite di traduzioni visualizzabili in un giorno.
La Traduzione può essere visionata su Splash Latino - http://www.latin.it/versione/51093[emi53rm] - [2022-05-29 05:44:34]
Registrati alla Splash Community e contribuisci ad aumentare il numero di traduzioni presenti nel sito!
