✔ Novissimum ab Sabinis bellum conflatum est multoque id maximum fuit; nihil enim per iram aut cupiditatem actum est, nec ostenderunt bellum prius quam intulerunt. Consilio etiam additus est dolus. Spurius Tarpeius Romanae arci praeerat. Cuius filiam virginem auro corrumpit Tatius, Sabinorum rex, quod Romanos armatos in arcem accipere desiderabat; aquam illa tum sacris extra moenia petitum venerat. Sabini obrutam armis necaverunt, quia desiderabant aut ostendere arcem vi captam esse, aut traditoribus exemplum prodere. Tradunt Sabinos aureas armillas magni ponderis brachio laevo gemmatosque magna specie anulos habuisse; Tarpeia desiderabat id quod Sabini in sinistris manibus habebant; scuta tum illi pro aureis donis congesta sunt.
