La storia di Enea - La morte di Turno

Pagina 505 Numero V4

Cum nonnullis adversis proeliis Latinorum vires attritae essent, Turnus, ubi omnem spem in se sitam esse videt, singulari certamine cum Aenea ipso dimicare statuit. Accipit condicionem Troianorum dux, solemnique utrimque sacramento foedus sancitur. Id foedus autem Iunonis impulsu a Iuturna nympha, Turni sorore, perturbatur; quam ob rem in conflictum armorum utraque pars rursus ruit. Aeneas ipse, dum suos revocat, sagitta vulneratus proelio excedere cogitur. Turnus igitur, magnam sibi occasionem oblatam esse existimans, ingentem hostium stragem edit. Aeneas, cum se refecisset, auxilio suis accurrens, Turnum nominatim ad pugnam deposcit. Ex singulari pugna superior Aeneas evadit: cum iam paene ad misericordiam hostis victi precibus flectebatur, conspicit in eius umeris balteum, quem occiso Pallanti Turnus detraxerat et ira accensus gladio eum vita spoliat.

Oggi hai visualizzato 14.1 brani.
Ti ricordiamo che hai ancora a disposizione la visualizzazione di 0.9 brani.

[darkshines] - [2022-09-22 20:12:05]

Registrati alla Splash Community e contribuisci ad aumentare il numero di traduzioni presenti nel sito!