A Romanorum castris oppidum Remorum nomine Bibrax aberat milia passuum VIII ("otto miglia"). Id ex itinere magno impetu Belgae oppugnare coeperunt ("iniziarono"). Cum finem oppugnationis nox fecisset, Iccius Remus, qui tum oppido praeerat, nuntium ad Caesarem mittit, se diutius sustinere non posse. Eo de media nocte Caesar isdem ducibus usus qui nuntii ab Iccio venerant, Numidas et Cretas sagittarios et funditores Baleares subsidio oppidanis mittit; quorum adventu hostibus nondum spes erat se oppidi potituros esse. Itaque Belgae paulisper apud oppidum morati agrosque Remorum depopulati, omnibus vicis aedificiisque quos adire potuerant incensis, ad castra Caesaris omnibus copiis contenderunt et a milibus passuum minus duobus ("a meno di due miglia") castra posuerunt; quae castra, ut fumo atque ignibus significabatur, amplius milibus passuum VIII ("per più di otto miglia") in latitudinem patebant.
