Coriolano si accinge ad attaccare Roma

Pagina 166 Numero V5

Multitudo ingens pacem poscentium consules coegit ut senatum de legatis ad Cn. Marcium mittendis convocarent. Missi ad Marcium pacis petendae gratia oratores hoc atrox responsum rettulerunt: «Romani, Volscis agrum reddite! Tum demum de pace agere poterimus». Tanta erat Coriolani obstinatio ut iterum iidem missi in castra recepti non sint. Sacerdotes quoque ad eum supplicandum ierunt, sed frustra. Stupebat senatus, trepidabat populus, viri pariter ac mulieres exitium imminens lamentabantur. Tum matronae ad Veturiam matrem Coriolani Volumniamque uxorem frequentes coeunt. Id publicum consilium an muliebris timor fuerit, nescimus; sed fecerunt ut et Veturia, magno natu mulier, et Volumnia duos parvos ex Marcio filios ferens secum in castra hostium irent. Cum armis viri defendere urbem non possent, mulieres precando lacrimandoque eam defenderunt. Ut ad castra ventum est, Coriolano nuntiatum est adesse ingens mulierum agmen. Ille, qui nec publica legatorum maiestate nec sacerdotum religione motus erat, multo obstinatior adversus lacrimas muliebres erat.

Livio

Ab Urbe Condita - Liber Ii - 40

Oggi hai visualizzato 8.2 brani.
Ti ricordiamo che hai ancora a disposizione la visualizzazione di 6.8 brani.

[emi53rm] - [2023-03-07 05:44:35]

Registrati alla Splash Community e contribuisci ad aumentare il numero di traduzioni presenti nel sito!