✔ Post Cannensem cladem P. Sempronius Tuditanus tribunus militum semiermibus militibus dixit: «Capi ergo mavultis ab avarissimo et crudelissimo hoste? Non hoc malle potestis, si L. Aemili consulis, qui se bene mori ("morire") quam turpiter vivere maluit, et tot fortissimorum virorum, qui circa eum cumulati iacent, cives estis. Sed antequam opprimit lux maioraque hostium agmina obsaepiunt iter, per hos, qui inordinati atque incompositi obstrepunt castrorum portis, erumpamus. Ferro atque audacia viam quamvis per confertos hostes aperiamus. Uno agmine Canusium ibimus. Itaque ite mecum qui et vosmet ipsos et rem publicam salvare vultis». Haec ubi dicta dedit, stringit gladium cuneoque facto per medios vadit hostes. Inde protinus legionariorum sescenti ("seicento", nom. m.) Canusium incolumes perveniunt.
