Condanna (e salvezza) di Ifigenia

Pagina 287 Numero 7

Agamemnon cum Menelao fratre et delectis ducibus ad Troiam cum venirent, Helenam uxorem Menelai, quam Alexander Paris avexerat, repetitum, in Aulide tempestas eos ira Dianae retinebat, quod Agamemnon in venando cervam eius violavit superbiusque in Dianam est locutus. Is cum haruspices convocasset et Calchas se respondisset aliter expiare non posse nisi Iphigeniam filiam Agamemnonis immolasset, re audita Agamemnon recusare coepit. Tunc Ulixes eum consiliis ad rem pulchram transtulit; idem Ulixes cum Diomede ad Iphigeniam missus est adducendam: qui cum ad Clytaemnestram matrem eius venisset, ementitur eam Achilli in coniugium dari. Quam cum in Aulidem adduxisset et parens eam immolare vellet, Diana virginem miserata est et caliginem eis obiecit cervamque pro ea supposuit, Iphigeniamque per nubes in terram Tauricam detulit ibique templi sui sacerdotem fecit.

Igino

Oggi hai visualizzato 12.7 brani.
Ti ricordiamo che hai ancora a disposizione la visualizzazione di 2.3 brani.

[emi53rm] - [2023-03-17 06:50:50]

Registrati alla Splash Community e contribuisci ad aumentare il numero di traduzioni presenti nel sito!