✔ Super arcem, vulgatum miraculum («meraviglia raccontata») Graecorum fabulis, pensiles horti sunt, summam murorum altitudinem aequantes multarumque arborum umbra et proceritate amoeni. Pilae, quae totum onus sustinent, saxo instructae sunt; super pilas lapide quadrato solum stratum est patiens («in grado di resistere a» + gen.) terrae, quam altam iniciunt, et humoris, quo rigantur terrae; adeoque validas arbores sustinet moles, ut stipites earum VIII cubitorum spatium («una circonferenza») habeant, in L pedum altitudinem emineant, frugiferaeque sint ut si («come se») in terra essent. Et cum vetustas non solum opera manu facta, sed etiam ipsam naturam perimat, haec moles, quae tot arborum radicibus premitur tantique nemoris pondere onerata est, inviolata durat: nam XX pedes lati parietes sustinent. Proditum est Syriae regem, Babylone regnantem, hoc aedificasse victum amore coniugis, quae desiderio nemorum silvarumque in campestribus locis virum compulit («spinse il marito a» + inf.) amoenitatem naturae genere huius operis imitari.
