✔ Alexander, cum Ptolomaeus, familiaris eius, in proelio telo venenato ictus esset eoque vulnere summo cum dolore moreretur, adsidens somno est consopitus. Tum secundum quietem (= durante il sonno) visus ei dicitur draco is, quem mater Olympias alebat, radiculam ore ferre et simul dicere, quo illa (radix) loci nasceretur (neque is longe aberat ab eo loco); eius autem esse vim tantam ut Ptolomaeum facile sanaret. Cum Alexander experrectus narrasset (= narravisset) amicis somnium, emissi sunt qui illam radiculam quaererent; qua inventa, et Ptolomaeus sanatus dicitur et multi milites, qui erant eodem genere teli vulnerati.
