I libri sibillini

Pagina 601 Numero 1

✔ In antiquis annalibus haec memoria de libris Sibyllinis prodita est. Anus hospita atque incognita ad Tarquinium Superbum regem adiit novem libros ferens, quos esse dicebat divina oracula; eos velle venundare. Tarquinius pretium percontatus est. Mulier nimium atque immensum poposcit; rex, quasi (= come se) anus aetate desiperet, derisit. Tum illa foculum cum igni coram rege apponit, tres libros ex novem deurit et num reliquos sex eodem pretio emere vellet regem interrogavit. Sed Tarquinius multo magis risit dixitque anim iam sine dubio delirare. Mulier ibidem statim tres alios libros exussit atque id ipsum denuo placide rogat, ut tres reliquos eodem illo pretio emat. Tum Tarquinius ore serio atque attentiore animo fit, libros tres reliquos mercatur eodem pretio quod anus petierat. Sed ea mulier tunc, a Tarquinio digressa, postea nusquam visa est. Libri tres, in sacrarium conditi, Sibyllini appellati sunt; ad eos quasi ad oraculum quindecimviri adeunt, cum di immortales publice consulendi sunt.

Gellio

Noctes Atticae - 1 - 19

Oggi hai visualizzato 3.0 brani.
Ti ricordiamo che hai ancora a disposizione la visualizzazione di 12 brani.

[2015-12-02 23:15:04]

Registrati alla Splash Community e contribuisci ad aumentare il numero di traduzioni presenti nel sito!