✔ Vigebant olim in Romanorum domibus patrius mos et severa disciplina. Veteres Romani avidi laudis gloriaeque erant; iurgia, discordias, simultates cum hostibus patriae exercebant, sed domi cives cum civibus de virtute certabant. Nam virtutem etiam in hoste laudabant. In suppliciis deorum erant magnifici et splendidi, sed domi parci et adversus amicos fideles. Delubra deorum pietate ornabant, domos suas gloria militari armorumque virtute decorabant. In imperatoribus Romanis fuerat eximia belli scientia, singularis virtus, clara auctoritas, egregia fortuna. Fiducia exercitus pignus erat victoriae. Sumptus civium et civitatis quaestum non superabat. Temperantia, animi fortitudo, patientia, prudentia, frugalitas erant praecipuae gentis Romanae virtutes. Ita populus Romanus animi virtute longisque bellis victor domitorque omnium gentium fuit.
Hai superato il limite di traduzioni visualizzabili in un giorno.
La Traduzione può essere visionata su Splash Latino - http://www.latin.it/versione/34756[darkshines] - [2023-03-02 12:40:58]
Registrati alla Splash Community e contribuisci ad aumentare il numero di traduzioni presenti nel sito!
