Liceo Classico 1955 - Quae Stoici Intemperanter, quae alii autem verecundius praeceperint

Pagina 1955 Numero 2

✔ Fuit quidam summo ingenio vir, Zeno, cuius inventorum aemuli Stoici nominantur. Huius sententiae sunt et praecepta eiusmodi: sapientem gratia numquam moveri; numquam cuiusquam delicto ignoscere; viri non esse neque exorari neque placari; solos sapientes esse, si distortissimi sint, formosos, si mendicissimi, divites; si servitutem serviant, reges; nos autem, qui sapientes non sumus, fugitivos, exsules, hostes, insanos denique esse dicunt; omnia peccata esse paria; omne delictum scelus esse nefarium; sapientem nihil opinari, nullius rei paenitere, nulla in re falli, sententiam mutare numquam.
Nostri autem a Platone et Aristotele, moderati homines et temperati aiunt apud sapientem valere aliquando gratiam; viri boni esse misereri; distincta genera esse delictorum et dispares poenas; esse apud hominem constantem ignoscendi locum; ipsum sapientem saepe aliquid opinari quod nesciat; quod dixerit interdum, mutare, si ita rectius sit; omnes virtutes mediocritate quadam esse moderatas.

Cicerone

Hai superato il limite di traduzioni visualizzabili in un giorno.

Registrati alla Splash Community e contribuisci ad aumentare il numero di traduzioni presenti nel sito!