Liceo Classico 1952 - Non farsi schiavi degli esempi altrui

Pagina 1952 Numero 2

✔ Nihil magis praestandum est, quam ne pecorum ritu sequamur antecedentium gregem, pergentes non quo eundum est, sed quo itur. Atqui nulla res nos maioribus malis implicat, quam quod ad rumorem componimur, optima rati ea, quae magno adsensu recepta sunt, quodque exempla nobis muta sunt, nec ad rationem, sed ad similitudinem vivimus. Inde ista tanta coacervatio aliorum super alios ruentium. Quod in strage hominum magna evenit, cum ipse se populus premit nemo ita cadit, ut non et alium in se adtrahat, primique exitio sequentibus sunt, hoc in omni vita accidere videas licet: nemo sibi tantummodo errat, sed alieni erroris et causa et auctor est; nocet enim adplicari antecedentibus et, dum unusquisque mavult credere quam iudicare, numquam de vita iudicatur, semper creditur versatque nos et prsecipitat traditus per manus error. Alienis perimus exemplis: sanabimus, separemur modo a coetu.

Seneca

Hai superato il limite di traduzioni visualizzabili in un giorno.

Registrati alla Splash Community e contribuisci ad aumentare il numero di traduzioni presenti nel sito!