Liceo Scientifico 1959 - La pace unico pensiero di tutti

Pagina 1959 Numero 2

✔ Diversae voluntates civium fuerunt distractaeque sententiae. Non enim consiliis solum et studiis, sed armis etiam et castris dissidebamus. Erat obscuritas quaedam, erat certamen inter clarissimos duces: multi dubitabant quid optimum esset, multi quid sibi expediret, multi quid deceret, non nulli etiam quid liceret. Perfuncta res publica est hoc misero fatalique bello; vicit is, qui non fortuna inflammaret odium suum, sed bonitate leniret; neque omnes quibus iratus esset, eosdem etiam exsilio aut morte dignos iudicaret. Arma ab aliis posita, ab aliis erepta sunt. Ingratus est iniustusque civis qui armorum periculo liberatus animum tamen retinet armatum, ut etiam ille melior sit qui in acie cecidit, qui in causa animam profudit. Quae enim pertinacia quibusdam, eadem aliis constantia videri potest. Sed iam omnis fracta dissensio est armis, exstincta aequitate victoris; restat ut omnes unum velint, qui modo habent aliquid non solum sapientiae modo, sed etiam sanitatis.

Cicerone

Hai superato il limite di traduzioni visualizzabili in un giorno.

Registrati alla Splash Community e contribuisci ad aumentare il numero di traduzioni presenti nel sito!