Liceo Scientifico 1959 - Sviluppo della pittura greca

Pagina 1959 Numero 1

✔ Primi, quorum quidem opera non vetustatis modo gratia visenda sunt, clari pictores fuisse dicuntur Polygnotus atque Aglaophon, quorum simplex color tam sui studiosos adhuc habet, ut illa prope rudia ac velut futurae mox artis primordia maximis, qui post eos extiterunt, auctoribus praeferantur, proprio quodam intellegendi (ut mea fer opinio) ambitu. Post Zeuxis atque Parrhasius non multum aetate distantes plurimum arti addiderunt. Quorum prior luminum umbrarumque invenisse rationem, secundus examinasse subtilius lineas traditur. Nam Zeuxis plus membris corporis dedit, id amplius aut augustius ratus atque (ut existimant) Homerum secutus, cui validissima quaeque forma etiam in feminis placet. Ille vero ita circumscripsit omnia, ut eum legum latorem vocent, quia deorum atque heroum effigies, quales ab eo sunt traditae, ceteri tamquam ita necesse sit sequuntur.

Quintiliano

Oggi hai visualizzato 10.0 brani.
Ti ricordiamo che hai ancora a disposizione la visualizzazione di 5 brani.

Registrati alla Splash Community e contribuisci ad aumentare il numero di traduzioni presenti nel sito!