Abilitazione Magistrale 1980 - Una proposta del tribuno della plebe Terentilio Arsa contro l'arbitrio del potere consolare. Reazione del senato (462 a. C.)

Pagina 1980

✔ C. Terentilius Harsa tribunus plebis eo anno fuit. Is consulibus absentibus ratus locum tribuniciis actionibus datum, per aliquot dies patrum superbiam ad plebem criminatus, maxime in consulare imperium tamquam nimium nec tolerabile liberae civitati invehebatur: nomine enim tantum minus invidiosum, re ipsa prope atrocius quam regium esse; quippe duos pro uno dominos acceptos, immoderata, infinita potestate, qui soluti atque effrenati ipsi omnes metus legum omniaque supplicia verterent in plebem. Quae ne aeterna illis licentia sit, legem se promulgaturum ut quinque viri creentur legibus de imperio consulari scribendis; quod populus in se ius dederit, eo consulem usurum, non ipsos libidinem ac licentiam suam pro lege habituros. Qua promulgata lege cum timerent patres ne absentibus consulibus iugum acciperent, senatus a praefecto urbis Q. Fabio vocatur, qui adeo atrociter in rogationem latoremque ipsum est invectus, ut nihil relictum minarum atque terroris sit.

Livio

Hai superato il limite di traduzioni visualizzabili in un giorno.

[degiovfe] - [2010-12-31 13:21:01]

Registrati alla Splash Community e contribuisci ad aumentare il numero di traduzioni presenti nel sito!