banner immagine
Logo Splash Latino
Latino


Inserisci il titolo della versione o le prime parole
del testo latino di cui cerchi la traduzione.

 
Username Password
Registrati Dimenticata la password? Ricorda Utente
RItratto di Annibale
Pagina 210 Numero 26

Missus Hannibal in Hispaniam primo statim adventu omnis exercitus admirationem in se convertit; Hamilcarem iuvenem redditum sibi veteres milites credebant, quia eundem vigorem in vultu vimque in oculis, habitum oris lineamentaque intuebatur. Deinde brevi tempore exercitum omnem sibi conciliavit. Numquam ingenium idem ad res diversissimas, parendum atque imperandum, habilius fuit. Ei plurimum audaciae ad pericula capessenda, plurimum consilii inter ipsa pericula erat. Nullo labore aut corpus fatigari aut animus vinci poterat. Vigiliarum somnique nec die nec nocte discriminata tempora erant: multi saepe militari sagulo opertum humi iacentem inter custodias stationesque militum conspexerunt. Vestitus nihil inter aequales excellebat: arma atque equi conspiciebantur ("si facevano notare"). Equitum peditumque idem longe primus erat; princeps in proelium ibat, ultimus conserto proelio excedebat. Has tantas viri virtutes ingentia vitia aequabant: inhumana crudelitas, perfidia maxima, nihil veri, nihil sancti, nullus deum metus, nulla fides, nulla religio.
Livio


Hai superato il limite di traduzioni visualizzabili in un giorno.

La Traduzione può essere visionata su Splash Latino - http://www.latin.it/versione/46957
[emi53rm] - [2020-10-18 08:35:49]

Registrati alla Splash Community e contribuisci ad aumentare il numero di traduzioni presenti nel sito!