Iam Tiberium vires, non dissimulatio, deserebant: idem animi rigor. Sermone ac vultu intentus, quaesita interdum comitate defectionem, quamvis manifestam, tegebat. Mutatis saepius locis, tandem apud promunturium Miseni consedit in villa, cuius Lucius Lucullus quondam dominus fuerat. Illic eum adpropinquare supremis compertum est. Erat medicus arte insignis, nomine Caricles, non quidem regere valetudinem principis solitus, consilii tandem copiam praebere. Is, velut ad propria negotia digrediens et per speciem officii manus eius complexus, pulsum venarum attigit et labi spiritum neque eum ultra biduum duraturum Macroni firmavit. Septimo ed decimo ante Kalendas Apriles, interclusa anima, creditus est mortalitatem explevisse, et omnes novo principi Caio Caesari gratulabantur, cum repente adfertur vocem ac visum Tiberio redire. Pavor hinc in omnes invasit, qui eius morte laetati erant, sed Macro intrepidus opprimi senem iniectu multae vestis iubet. Sic Tiberius finivis octavo et septuagesimo aetatis anno.

da Tacito

Oggi hai visualizzato 2 brani. Ti ricordiamo che hai ancora a disposizione la visualizzazione di 3 brani

Siamo spiacenti, ancora non è presente una traduzione di questo brano!

Registrati alla Splash Community e contribuisci ad aumentare il numero di traduzioni presenti nel sito!