Cum post Actiacam pugnam Augustus Romae amplissimum ageret triumphum, ei occurrit quidam corvum manu tenens, quem docuerat hanc salutationem, adulationis plenam: <<Ave Caesar, victor>>. Octavianus, cuius intererat animos civium sibi conciliare, officiosam avem viginti nummorum milibus emi iussit. Cum paulo in via processisset, eodem modo a psittaco, salutatus est, quem tantidem emit. Tanta liberalitas sutorem pauperem sollicitavit, qui corvum suum instituere coepit ad eandem salutationem. Sed, cum avis non responderet, labore et impendio exhaustus, dominus dicere solebat: <<Operam et impensam perdidi>>. Aliquando tamen, cum corvus coepisset dictatam salutatione dicere, Augustum in via exspectavit sutur, plenus bonae spei. Sed, cum audisset corvi verba, talis salutationis incuriosus, imperator respondit: <<Satis talium salutatorum habeo>>. Tunc corvus recordatus verborum, quibus dominus queri solebat, clara voce addidit: <<Operam et impensa perdidi>>. Tantum salis admiratus, Caesar risit emique avem iussit tanti quanti nullam adhuc aliam emerat.

da Macrobio

Oggi hai visualizzato 2 brani. Ti ricordiamo che hai ancora a disposizione la visualizzazione di 3 brani

Siamo spiacenti, ancora non è presente una traduzione di questo brano!

Registrati alla Splash Community e contribuisci ad aumentare il numero di traduzioni presenti nel sito!