C. PLINIUS FUSCO SUO SALUTEM DICIT. Quaeris, quemadmodum in Tuscis diem aestate disponam. Evigilo plerumque circa horam primam, saepe ante, tardius raro. Clausae fenestrae manent, ut in silentio et tenebris aliquamdiu liber sim ab omnibus curis. Deinde notarium voco ad fenestras aperiendas et quae agenda sunt dicto. Hora quarta vel quinta in xystum me vel cryptoporticum confero, reliqua meditor et dicto. Paulum redormio, dein ambulo, mox orationem Graecam vel Latinam clare et intente lego ad corronorandam vocem. Cenanti mihi, liber legitur; post cenam cum amicis meis ambulo, quorum in numero sunt eruditi. Ita variis semonibus vespera extenditur, et dies bene conditur. Vale.
