banner immagine
Logo Splash Latino
Latino


Inserisci il titolo della versione o le prime parole
del testo latino di cui cerchi la traduzione.

 
Username Password
Registrati Dimenticata la password? Ricorda Utente
Chi sono i filosofi
Pagina 299 Numero 9

 Pythagoram Phliuntem ferunt venisse eumque cum Leonte, principe Phliasiorum, docte et copiose disseruisse quaedam. Cuius ingenium et eloquentiam cum admiratus esset Leon, quaesivit ex eo, quam artem maximam existimaret; at ille nullam artem quidem se scire, sed esse philosophum respondit. Admiratus Leon novitatem nominis quaesivit quinam essent philosophi et quid inter eos et reliquos interesset. Pythagoras autem respondit similes sibi videri vitam hominum et mercatum illum, qui haberetur (= si teneva) maximo ludorum apparatu totius Graeciae celebritate. Nam illic alii corporibus exercitatis gloriam et nobilitatem coronae petunt, alii emendi aut vendendi quaestu et lucro ducuntur, alii autem nec plausum nec lucrum quaerunt, sed visendi causa veniunt studioseque perspiciunt quid agatur et quo modo: sic in hac vita rari sunt qui, ceteris omnibus pro nihilo habitis, rerum naturam studiose intuantur; hi se appellant sapientiae studiosos, id est philosophos.
Cicerone


Hai superato il limite di traduzioni visualizzabili in un giorno.

La Traduzione può essere visionata su Splash Latino - http://www.latin.it/versione/43222
[degiovfe] - [2017-01-28 18:07:28]

Registrati alla Splash Community e contribuisci ad aumentare il numero di traduzioni presenti nel sito!