banner immagine
Logo Splash Latino
Latino


Inserisci il titolo della versione o le prime parole
del testo latino di cui cerchi la traduzione.

 
Username Password
Registrati Dimenticata la password? Ricorda Utente
Emilio Paolo visita la Grecia
Pagina 278 Numero 26

 Per Thessaliam Delphos petiit, inclitum oraculum, ubi, sacrificio Apollini facto, inchoatas in vestibulo columnas suis statuis destinavit. Lebadiae quoque templum Iovis adiit. Ibi, cum vidisset os cavernae, per quod oraculo utentes sciscitatum deos descendunt, sacrificio Iovi facto, Chalcidem ad spectaculum Euripi Euboeaeque insulae, ponte continenti iunctae, descendit. A Chalcide Aulidem traicit, trium milium spatio distantem, portum inclitum statione quondam Agamemnoniae classis ad Troiam proficiscentis, Dianaeque templum, ubi filiam deae sacrificavit Agamemnon, visitavit. Inde venit visitatum Athenas, plenas vestusta nobilitate et multa visenda habentes: arcem, portum, muros Piraeum urbi iungentes, navalia ingentia, simulacra deorum hominumque, omni genere et materiae et artium insignia. Sacrificio Minervae, praesidi arcis, in urbe facto, Corinthum altero die pervenit. Arx quoque et Isthmus praebuere spectaculum mirabile visu: arx inter omnia in immanem solitudinem edita, scatens fontibus, Isthmus duo maria, ab occasu et ortu solis finitima, arctis faucibus dirimens. Inde per Megalopolim Olympiam ascendit, ubi, Iovem velut praesentem intuens, animo motus est.
Livio


Hai superato il limite di traduzioni visualizzabili in un giorno.

La Traduzione può essere visionata su Splash Latino - http://www.latin.it/versione/43195
[degiovfe] - [2017-01-27 21:49:19]

Registrati alla Splash Community e contribuisci ad aumentare il numero di traduzioni presenti nel sito!