banner immagine
Logo Splash Latino
Latino


Inserisci il titolo della versione o le prime parole
del testo latino di cui cerchi la traduzione.

 
Username Password
Registrati Dimenticata la password? Ricorda Utente
De tribuni Cecidii virtute
Pagina 129 Numero 18

 Dii immortales tribuno militum fortunam ex virtute eius dedere. Nam ita evenit: cum saucius multifariam ibi factus esset, tamen vulnus capiti nullum evenit, eumque inter mortuos, defetigatum vulneribus atque quod sanguen eius defluxerat, cognovere. Eum sustulere, isque convaluit saepeque postilla operam rei publicae fortem atque strenuam perhibuit; illoque facto, quod illos milites subduxit, exercitum ceterum servavit. Sed idem benefactum quo in loco ponas, nimium interest. Leonides (= Leonidas) Laco aliquid simile apud Thermopylas fecit; propter eius virtutes omnis Graecia gloriam atque gratiam praecipuam claritudinis inclitissimae decoravit monumentis: signis, statuis, elogiis, historiis aliisque rebus gratissimum id eius factum habuit; at tribuno militum parva laus pro factis relicta est, qui idem fecit atque rem servaverat.
Gellio


Hai superato il limite di traduzioni visualizzabili in un giorno.

La Traduzione può essere visionata su Splash Latino - http://www.latin.it/versione/40999
[degiovfe] - [2018-01-19 14:27:44]

Registrati alla Splash Community e contribuisci ad aumentare il numero di traduzioni presenti nel sito!