banner immagine
Logo Splash Latino
Latino


Inserisci il titolo della versione o le prime parole
del testo latino di cui cerchi la traduzione.

 
Username Password
Registrati Dimenticata la password? Ricorda Utente
Maratona
Pagina 254 Numero 232

 Hoc in tempore nulla civitas Atheniensibus auxilio fuit praeter Plataeenses. Ea mille misit militum. Itaque horum adventu decem milia armatorum completa sunt, quae manus flagrabat pugnandi mirabili cupiditate. Quo factum est, ut plus quam collegae Miltiades valeret. Eius ergo auctoritate impulsi Athenienses copias ex urbe eduxerunt locoque idoneo castra fecerunt. Dein, postero die, instructa acie sub montis radicibus, regione non apertissima - namque arbores in multis locis erant - proelium commiserunt, hoc consilio, ut montium altitudine arborumque tractu tegerentur. Datis, etsi non aequum locum videbat suis, tamen fretus numero copiarum suarum, confligere cupiebat, eoque magis quod dimicare utile arbitrabatur priusquam Lacedaemonii subsidio venirent. Itaque proelium commisit. In quo tanta fuit Atheniensium virtus, ut decemplicem numerum hostium profligarint, adeoque eos perterruerint, ut Persae non castra, sed naves petierint. Qua pugna nihil adhuc est nobilius: nulla enim umquam tam exigua manus tantas opes prostravit.
Cornelio Nepote


Hai superato il limite di traduzioni visualizzabili in un giorno.

La Traduzione può essere visionata su Splash Latino - http://www.latin.it/versione/40369
[silvana] - [2019-01-10 10:26:44]

Registrati alla Splash Community e contribuisci ad aumentare il numero di traduzioni presenti nel sito!