Varie sum adfectus tuis litteris, valde priore pagina perturbatus, paulum altera recreatus. Qua re nunc quidem puto, quoad plane valeas, te neque navigationi neque viae committere. Satis te mature videro si plane confirmatum videro. De medico et tu bene existimari scribis et ego sic audio, sed plane curationes eius non probo. Ius enim dandum tibi non fuit cum e stomacho laborares. Sed tamen et ad illum scripsi accurate et ad Lysonem. Ad Curium vero, suavissimum hominem et summi offici summaeque humanitatis, multa scripsi. tu igitur quid faciendum sit iudicabis. Medico ipsi puto aliquid dandum esse quo sit studiosior.
Cicerone
Hai superato il limite di traduzioni visualizzabili in un giorno.
La Traduzione può essere visionata su Splash Latino - http://www.latin.it/versione/35807[degiovfe] - [2019-03-31 20:19:47]
Registrati alla Splash Community e contribuisci ad aumentare il numero di traduzioni presenti nel sito!