banner immagine
Logo Splash Latino
Latino


Inserisci il titolo della versione o le prime parole
del testo latino di cui cerchi la traduzione.

 
Username Password
Registrati Dimenticata la password? Ricorda Utente
Alessandro incontra la madre e la moglie di Dario, sue prigioniere
Pagina 391 Numero 41

Alexander praemittit nuntios ad captivas, qui nuntiaret ipsum venire: tabernaculum cum Hephaestione intrat. Is longe omnium amicorum carissimus erat regi, cum ipso pariter eductus, secretorum omnium arbiter. Et sicut aetate par erat regi, ita corporis habitu praestabat. Ergo reginae illum esse regem ratae, suo more veneratae sunt. Inde ex captivis spadonibus, quis Alexander esset, monstrantibus, Sisigambis advoluta est pedibus eius ignorationem numquam antea visi regis excusans. Quam manu adlevans rex «Non errasti - inquit - mater: nam et hic Alexander est». Equidem hac continentia animi si ad ultimum vitae perseverare potuisset, felicem fuisse crederem. Sic vicisset profecto superbiam atque iram, mala invicta. Virgines reginas excellentis formae tam sancte habuit, quam si eodem quo ipse parente genitae forent; coniugem Darei adeo ipse non violavit, ut summam adhibuerit curam, ne quis captivo corpori inluderet. Omnem cultum reddi feminis iussit, nec quicquam ex pristinae fortunae magnificentia captivis praeter fiduciam defuit. Itaque Sisigambis «Rex - inquit - mereris ut ea precemur tibi, quae Dareo nostro quondam precatae sumus, et, ut video, fide dignus es, qui tantum regem non felicitate solum sed etiam aequitate superaveris. Tu quidem matrem me et reginam vocas, sed ego me tuam famulam esse confiteor». Rex bonum animum habere eam iussit. Tum tabernaculo egressus est.
Curzio Rufo


Hai superato il limite di traduzioni visualizzabili in un giorno.

La Traduzione può essere visionata su Splash Latino - http://www.latin.it/versione/35667
[silly] - [2015-03-14 20:42:49]

Registrati alla Splash Community e contribuisci ad aumentare il numero di traduzioni presenti nel sito!