banner immagine
Logo Splash Latino
Latino


Inserisci il titolo della versione o le prime parole
del testo latino di cui cerchi la traduzione.

 
Username Password
Registrati Dimenticata la password? Ricorda Utente
Virtù eroica di Lucrezia
Pagina 63 Numero 18

Lucretia, Collatini uxor, maesta quia a Sexto Tarquinio stuprata erat, nuntium Romam ad patrem Ardeamque ad virum attulit, ut cum singulis fidelibus amicis adirent, quod res atrox inciderat. Sp. Lucretius cum P. Valerio, Collatinus cum L. Bruto venit. Lucretiam in cubiculo inveniunt quae maesta sedebat. Adventu suorum lacrimae oculis exierunt, et viro qui quaerebat: «Satin salve?», «Minime» - respondit - «Quid enim salvi est mulieri cui pudicitia ablata est? Vestigia viri alieni, Collatine, in lecto sunt tuo; ceterum corpus est tantum violatum, animus insons et amor meus soli tibi est: mors testis erit. Sed date dexteras fidemque haud impune adultero fore». Dant omnes fidem. Consolantur aegram: adfirmant mentem peccare, non corpus: eius voluntatem afuisse, ergo culpam abesse. «Videte - inquit - quid illi debeatur: ego me, etsi peccato absolvo, supplicio liberare nolo; nec ulla deinde uxor exemplo, quod Lucretia obtulerit, impudica vivet». Cultrum, quem sub veste abdiderat, in corde defixit, prolapsa est in vulnus periitque.
Livio


Hai superato il limite di traduzioni visualizzabili in un giorno.

La Traduzione può essere visionata su Splash Latino - http://www.latin.it/versione/34964
[silly] - [2015-04-25 23:22:54]

Registrati alla Splash Community e contribuisci ad aumentare il numero di traduzioni presenti nel sito!