banner immagine
Logo Splash Latino
Latino


Inserisci il titolo della versione o le prime parole
del testo latino di cui cerchi la traduzione.

 
Username Password
Registrati Dimenticata la password? Ricorda Utente
Un esempio di malversazione non punita
Pagina 46 Numero A

 Erant apud Caesarem in equitum numero duo Allobroges fratres, Rucillus et Egus, singulari virtute homines, quorum opera Caesar omnibus Gallicis bellis optima fortissimaque erat usus. His domi ob has causas amplissimos magistratus mandaverat, agrosque in Gallia ex hostibus captos premiaque rei pecuniariae magna tribuerat, locupletesque eos fecerat. Hi, propter virtutem, non solum apud Caesarem in honore erant, sed etiam apud exercitum cari habebantur. Sed, freti amicitia Caesaris et stulta ac barbara arrogantia elati, despiciebant suos stipendiumque equitum fraudabant et praedam omnem domum avertebant. Quibus illi rebus permoti, universi Caesarem adierunt palamque de eorum iniuriis sunt questi et ad cetera addiderunt falsum ab his equitum numerum deferri, ut eorum stipendium averterent. Caesar tempus illud animadversionis esse non existimans et multa virtuti eorum concedens, rem totam distulit; illos secreto castigavit, monuitque ut ex sua amicitia omnia exspectarent.
Cesare


Hai superato il limite di traduzioni visualizzabili in un giorno.

La Traduzione può essere visionata su Splash Latino - http://www.latin.it/versione/32160
[degiovfe] - [2018-10-01 13:31:54]

Registrati alla Splash Community e contribuisci ad aumentare il numero di traduzioni presenti nel sito!