banner immagine
Logo Splash Latino
Latino


Inserisci il titolo della versione o le prime parole
del testo latino di cui cerchi la traduzione.

 
Username Password
Registrati Dimenticata la password? Ricorda Utente
L'occasione della prima Catilinaria di Cicerone
Pagina 157 Numero 120

 Post paucos dies Lucius Saenius senator in senatu litteras recitavit, in quibus scriptum erat Caium Manlium in Etruria arma cepisse cum magna multitudine, bellum movendi causa. Simul alii portenta atque prodigia nuntiabant, alii conventus fieri, arma portari. His rebus permota civitas atque immutata urbis facies erat. Ex summa laetitia atque lascivia, quas diuturna quies pepererat, repente omnes tristitia invasit: festinare omnes, trepidare, neque loco neque homini cuiquam satis fide?re, neque bellum neque pacem habere, suo quisque metu pericula metiri. Mulieres, quibus belli timor insolitus incesserat, adflictare sese, manus supplices precando ad caelum tendere et miserando parvos liberos suos, omni rumore pave?re, superbia atque deliciis omissis, sibi patriaeque diffidere. At Catilinae crudelis animus eadem illa (quei timori) movebat, tametsi praesidia a senatu parabantur. Postremo, dissimulandi causa aut sui expurgandi, sicut iurgio lacessitus foret, in senatum venit. Tum Marcus Tullius consul, sive praesentiam eius timens sive ira commotus, orationem habuit luculentam atque utilem rei publicae, quam postea scriptam edidit.
Sallustio


Hai superato il limite di traduzioni visualizzabili in un giorno.

La Traduzione può essere visionata su Splash Latino - http://www.latin.it/versione/30859
[silly] - [2013-12-15 22:13:30]

Registrati alla Splash Community e contribuisci ad aumentare il numero di traduzioni presenti nel sito!