banner immagine
Logo Splash Latino
Latino


Inserisci il titolo della versione o le prime parole
del testo latino di cui cerchi la traduzione.

 
Username Password
Registrati Dimenticata la password? Ricorda Utente
La citta? di Argo chiede aiuto ai Romani
Pagina 343 Numero 2

Damocles Argivus, adulescens maioris animi quam consilii, cum paucis in forum Argorum pergit ire, clamitans ut, qui salvam rem publicam vellent, auctorem et ducem se libertatis sequerentur. Haud sane movit quemquam, quia nihil usquam spei propinquae cernebant cives et haec vociferantem eum Lacedaemonii circumventum cum suis interfecerunt. Pauci in custodiam coniecti sunt aliique proxima nocte funibus per murum demissi ad Romanos perfugerunt. Adfirmantibus iis, si ad portas exercitus Romanus fuisset, non sine effectu motum eum futurum fuisse, et si propius Romana castra admoverentur, non quieturos Argivos esse, Quinctius consul misit expeditos pedites equitesque, qui circa Cylarabim (locum id est minus trecentos passus ab urbe) cum erumpentibus a porta Lacedaemoniis proelium commiserunt, atque eos haud magno certamine compulerunt in urbem. Postea castra eo ipso loco ubi pugnatum erat Quinctius posuit. Postquam oppressam metu civitatem vidit, advocat consilium de oppugnandis Argis.
Livio


Hai superato il limite di traduzioni visualizzabili in un giorno.

La Traduzione può essere visionata su Splash Latino - http://www.latin.it/versione/30566
[silly] - [2014-01-23 22:43:46]

Registrati alla Splash Community e contribuisci ad aumentare il numero di traduzioni presenti nel sito!