Bellvm et pax - Spolia opima


Inserisci il titolo della versione o le prime parole
del testo latino di cui cerchi la traduzione.

Username Password
Registrati Dimenticata la password? Ricorda Utente
 
Bellvm et pax - Spolia opima

 Iam admodum mitigati animi raptarum erant. At raptarum parentes sordida veste lacrimisque et querellis civitates concitabant. Nec domi tantum indignationes continebant sed undique ad T. Tatium, regem Sabinorum, et legationes conveniebant, quod maximum Tatii nomen in iis regionibus erat.
Caeninenses Crustuminique et Antemnates, cumTatius Sabinosque lente agere existimarent, ipsi inter se tres populi communiter bellum parant. Dum Crustumini atque Antemnates occasionem exspectant, Caeninenses nimis impatientes per se ipsi in agrum Romanum impetum faciunt. Sed iis obviam it Romulus cum exercitu, levique certamine docet vanam sine viribus iram esse: exercitum eorum fugat, fugatum persequitur. Regem in proelio obtruncat et spoliat. Duce hostium occiso, urbem primo impetu capit.
Inde exercitu victore reducto, ipse spolia ducis hostium prae se gerens in Capitolium escendit, ibique cum spolia opima ad quercum sacram deposuisset, simul cum dono fines templo Iovis designavit cognomenque addidit deo: "Iuppiter Feretri!" inquit, "Haec tibi victor Romulus rex regia arma fero templumque hoc loco voveo, quo posteri, me uctorem sequentes, regibus ducibusque hostium caesis, opima spolia ferent."
Haec est origo templi quod primum omnium Romae sacratum est. Postea inter tot annos, tot bella, bina tantum spolia opima capta sunt: adeo rara fuit fortuna id decus adipiscendi.
Dum ea ibi Romani gerunt, Antemnatium exercitus per occasionem hostiliter in fines Romanorum invasit. Celeriter exercitus Romanus eos in agris sparsos oppressit. Hostes igitur primo impetu et clamore fugati sunt, oppidum captum.
Romulum duplici victoria ovantem mulieres raptae orant 'ut parentibus suis det veniam eosque in civitatem accipiat: ita rem Romanam coalascere concordia posse.' Id facile impetraverunt. Inde contra Crustuminos bellum inferentes profectus est; ibi etiam minus certaminis fuit, quod alienis cladibus ceciderant animi hostium. Ex utraque civitate frequentes Romam migraverunt, parentes maxime ac fratres raptarum.
da Livio


Oggi hai visualizzato brani.
Ti ricordiamo che hai ancora a disposizione la visualizzazione di 15 brani.

È severamente vietata qualsiasi copia o riproduzione anche parziale di traduzioni per uso pubblico. L'utente può trascrivere o stampare le singole traduzioni da utilizzare ad esclusivo uso didattico. Ogni tentativo di violazione dei sistemi atti a proteggere il materiale contenuto nel sito sarà perseguito a norma di legge.

La Traduzione può essere visionata su Splash Latino - http://www.latin.it/versione/24926

[biancafarfalla] - [2013-08-21 18:07:47]
Registrati alla Splash Community e contribuisci ad aumentare il numero di traduzioni presenti nel sito!

Modalità mobile