banner immagine
Logo Splash Latino
Latino


Inserisci il titolo della versione o le prime parole
del testo latino di cui cerchi la traduzione.

 
Username Password
Registrati Dimenticata la password? Ricorda Utente
Il saccheggio di Persèpoli
Pagina 23 Numero 36

In hanc urbem totius Persidis opes congesserant barbari: multum auri argentique cumulatum erat, vestis ingens modus: supellex non ad usum modo, sed ad ostentationem luxus comparata. Itaque inter ipsos victores ferro dimicabatur: pro hoste erat quisquis pretiosiorem occupaverat praedam et cum omnia, quae recipiebant, capere non possent, iam res non occupabantur, sed aestimabantur. Lacerabant regias vestes, ad se quisque trahentes: dolabris pretiosae artis vasa caedebant; nihil neque intactum erat, neque integrum ferebatur, abrupta simulacrorum membra, ut quisque avellerat, trahebat. Neque avaritia solum, sed etiam crudelitas in capta urbe grassata est: auro argentoque onusti vilia captivorum corpora trucidabant; passimque obvii caedebantur, quos antea pretium sui miserabiles fecerat. Multi ergo hostium manus voluntaria morte occupaverunt, pretiosissima vestium induti e muris semetipsos cum coniugibus ac liberis in praeceps iacentes. Quidam ignes, quod paulo post facturus hostis videbatur, subiecerant aedibus, ut cum suis vivi cremarentur. Tandem Alexander suos corporibus et cultu feminarum abstinere iussit.
Curzio Rufo


Hai superato il limite di traduzioni visualizzabili in un giorno.

La Traduzione può essere visionata su Splash Latino - http://www.latin.it/versione/24116
[silly] - [2012-05-04 17:29:27]

Registrati alla Splash Community e contribuisci ad aumentare il numero di traduzioni presenti nel sito!