Un corvo spiritoso

Pagina 20 Numero 31

Cum post Actiacam victoriam Augustus Romae amplissimum ageret triumphum, inter gratulantes quidam corvum tenens ei occurrit, quem docuerat dicere: "Ave, Caesar, victor imperator!". Octavianus, cuius intererat animos civium sibi conciliare, admiratus est officiosam volucrem eamque viginti milibus nummorum emit. Paulo in via progressus, eodem modo a psittaco salutatus est, quem tantidem emi iussit. Tantae liberalitatis exemplum sutorem sollicitavit, qui et ipse corvum eandem salutationem docere coepit. Sed avi non respondenti, dominus saepe dicere solebat: "Opera et impensa periit". Aliquando tamen, cum corvus salutationem dicere coepisset, sutor obviam Augusto in via processit. Sed, auditis verbis, imperator talis salutationis incuriosus: "Satis", inquit, "talium salutatorum domi habeo". Tunc corvus, recordatus verborum quibus dominus queri dolebat: "Opera et impensa periit!". Risit Caesar, emique avem iussit tanti, quanti nullam adhuc emerat.

Macrobio

Oggi hai visualizzato 8.0 brani.
Ti ricordiamo che hai ancora a disposizione la visualizzazione di 7 brani.

[silly] - [2012-05-04 17:25:51]

Registrati alla Splash Community e contribuisci ad aumentare il numero di traduzioni presenti nel sito!