banner immagine
Logo Splash Latino
Latino


Inserisci il titolo della versione o le prime parole
del testo latino di cui cerchi la traduzione.

 
Username Password
Registrati Dimenticata la password? Ricorda Utente
Dalla Gallia i Germani potrebbero passare in Italia
Pagina 433 Numero 330

 His rebus cognitis, Caesar Gallorum animos verbis confirmavit pollicitusque est sibi eam rem curae futuram: magnam se habere spem sua auctoritate adductum Ariovistum finem iniuriis facturum. Hac oratione habita, concilium dimisit. Et secundum ea multae res eum hortabantur quare sibi eam rem cogitandam et suscipiendam putaret, in primis quod Haeduos, fratres consaguineosque populi Romani saepenumero a senatu appellatos, in servitute atque in dicione videbat Germanorum teneri; quod in tanto imperio populi Romani turpissimum sibi et rei publicae esse arbitrabatur. Paulatim praeterea Germanos consuescere Rhenum transire et in Galliam magnam eorum multitudinem venire, populo Romano periculosum videbat, neque sibi existimabat homines feros ac barbaros temperaturos quin, cum omnem Galliam occupavissent, ut ante Cimbri Teutonique fecissent, in provinciam exirent atque inde in Italiam contenderent. Ipse autem Ariovistus tantos sibi spiritus, tantam arrogantiam sumpserat, ut ferendus non videretur. Quamobrem placuit ei ut ad Ariovistum legatos mitteret qui ab eo postularent ut aliquem locum medium utriusque colloquio deligeret.
Cesare


Hai superato il limite di traduzioni visualizzabili in un giorno.

La Traduzione può essere visionata su Splash Latino - http://www.latin.it/versione/23424
[silly] - [2012-06-16 14:56:14]

Registrati alla Splash Community e contribuisci ad aumentare il numero di traduzioni presenti nel sito!