Come Plinio trascorre la sua giornata

Latino


Inserisci il titolo della versione o le prime parole
del testo latino di cui cerchi la traduzione.

Username Password
Registrati Dimenticata la password? Ricorda Utente
 
Come Plinio trascorre la sua giornata

C. PLINIUS FUSCO SUO S.

Quaeris quemadmodum in Tuscis diem aestate disponam. Evigilo cum libuit, plerumque circa horam primam, saepe ante, tardius raro. Clausae fenestrae manent; mire enim silentio et tenebris ab iis quae avocant abductus, et liber et mihi relictus, non oculos animo sed animum oculis sequor, qui eadem quae mens vident quotiens non vident alia. Cogito si quid in manibus, cogito, ad verbum scribenti emendantique similis, nunc pauciora, nunc plura, ut («secondo che») vel difficile vel facile componi tenerive potuerunt. Notarium voco, et, die admisso, quae formaveram dicto; abit rursusque revocatur rursusque remittitur. Ubi hora quarta vel quinta, ut dies suasit, in xystum me vel cryptoporticum confero; reliqua meditor et dicto. Vehiculum ascendo; ibi quoque idem quod ambulans aut iacens. Paulo redormio, dein ambulo, mox orationem Graecam Latinamve clare et intente lego. Iterum ambulo, ungor, exerceo, lavor. Cenanti mihi, si cum uxore vel paucis, liber legitur. Post cenam, comoedus aut lyristes; mox cum meis ambulo, quorum in numero sunt eruditi. Ita variis sermonibus vespera extenditur et, quamquam longissimus, dies cito conditur.

Scribis pergratas tibi fuisse litteras meas, quibus cognovisti quemadmodum in Tuscis otium aestatis exigerem. Requiris quid ex hoc in Laurentino hieme permutem. Nihil, nisi quod meridianus somnus eximitur, multumque de nocte vel ante vel post diem sumitur; et si agendi necessitas instat, quae frequens hieme, non iam comoedo vel lyristae post cenam locus; sed illa quae dictavi identidem retractantur, ac simul memoriae frequenti emendatione proficitur. Habes aestate, hieme consuetudinem; addas huc licet ver et autumnum, quae inter hiemem aestatemque media ut nihil de die perdunt, de nocte parvulum acquirunt. Vale.
da Plinio il Giovane


Oggi hai visualizzato brani.
Ti ricordiamo che hai ancora a disposizione la visualizzazione di 15 brani.

È severamente vietata qualsiasi copia o riproduzione anche parziale di traduzioni per uso pubblico. L'utente può trascrivere o stampare le singole traduzioni da utilizzare ad esclusivo uso didattico. Ogni tentativo di violazione dei sistemi atti a proteggere il materiale contenuto nel sito sarà perseguito a norma di legge.

La Traduzione può essere visionata su Splash Latino - http://www.latin.it/versione/22592

[biancafarfalla] - [2012-02-20 20:22:44]
Registrati alla Splash Community e contribuisci ad aumentare il numero di traduzioni presenti nel sito!

Modalità mobile