Pisistratus Atheniensium tyrannus, cum adulescens quidam accensus amore filiae eius virginis in publico osculatus esset, hortante uxore ut ab eo capitale supplicium sumeret respondit: «Si eos, qui nos amant, interficiemus, quid eis faciemus, quibus odio sumus?». Minime digna vox cui adiciatur eam ex tiranni ore manavisse. In hunc modum filiae iniuriam tulit, suam multo laudabilius. A Thrasippo amico, inter cenam sine fine convicio laceratus, ita et animum et vocem ab ira cohibuit, ut putares satellitem a tyranno male audire. Tyrannus autem, veritus ne ille propter metum maturius se convivio subtraheret, Thrasippum discedentem invitatione familiari coepit retinere. Thrasippus concitatae temulentiae impetu evectus os eius sputo respersit nec tamen tali modo in vindictam sui valuit accendere. Pisistratus vero etiam filios suos violatae patris maiestatisubvenire cupientes retraxit. Posteroque die, cum Thrasippus supplicium a se voluntaria morte exigere cuperet, tyrannus venit ad eum dataque fide se in eodem gradu amicitiae mansurum esse, ab incepto eum revocavit. Si nihil aliud dignum honore memoriae gessisset, his tamen factis abunde se posteritati commendavisset.
Valerio Massimo
Hai superato il limite di traduzioni visualizzabili in un giorno.
La Traduzione può essere visionata su Splash Latino - http://www.latin.it/versione/22252[silly] - [2012-06-01 21:00:04]
Registrati alla Splash Community e contribuisci ad aumentare il numero di traduzioni presenti nel sito!
