banner immagine
Logo Splash Latino
Latino


Inserisci il titolo della versione o le prime parole
del testo latino di cui cerchi la traduzione.

 
Username Password
Registrati Dimenticata la password? Ricorda Utente
Plinio il Giovane ricorda una sua celebre orazione
Pagina 89 Numero 48

C. PLINIUS CORNELIO URSO SUO SALUTEM Causam per hos dies dixit Iulius Bassus, Homo laboriosus et adversus suis clarus. Accusatus est sub Vespasiano a privatis duobus; ad senatum remissus diu pependit, tandem absolutus vindicatusque. Titum timuit ut Domitiani amius, a Domitiano relegatus est; revocatus a Nerva sortitus Bithyniam, rediit reus, accusatus non minus acriter quam fideliter defensus. Egit contra eum Pomponius Rufus, vir paratus et vehemens; Rufo successit Theophanes, unus ex legatis, fax accusationis et origo. Respondi ego. Nam mihi Bassus iniunxerat ut totius defensionis fundamenta iacerem. Eundem me voluerat occurrere crimini quo maxime premebatur. Hoc illum onerabat, quod, homo simplex et incautus, quaedam provincialibus, ut amicus acceperat (nam fuerat in eadem provincia quaestor). Haec accusatores furta et rapinas, ipse munera vocabat. Sed lex munera quoque accipi vetat. Hic ego quid agerem? Quod iter defensionis ingrederet? Negarem? Verebar ne plane furtum videretur quod confiteri timerem: praeterea rem manifestam infitiari augentis erat crimen, non diluentis, presertim cum reus ipse nihil integrum advocatis reliquisset. Multis enim atque etiam principi Nervae dixerat sola se munuscula dumtaxat natali suo aut Saturnalibus accepisse, et plerisque misisse. Veniam ergo peterem? Iugulassem reum, quem ita deliquisse concederem ut servari nisi venia non posset. Tamquam recte factum tuerer? Non illi profuissem, sed ipse impudens exstitissem. In hac difficultate placuit medium quiddam tenere; videor tenuisse. Actionem meam, ut proelia solet, nox diremit.
Plinio il Giovane


Hai superato il limite di traduzioni visualizzabili in un giorno.

La Traduzione può essere visionata su Splash Latino - http://www.latin.it/versione/22208
[silly] - [2012-06-02 16:16:05]

Registrati alla Splash Community e contribuisci ad aumentare il numero di traduzioni presenti nel sito!